მსოფლიო საპატრიარქოს მღვდელმთავრების შეხვედრა უწმინდესთან დასრულდა

ქეთი ფერაძე
ავტ.: ქეთი ფერაძე ივნისი 16, 2018 16:08

მსოფლიო საპატრიარქოს მღვდელმთავრების შეხვედრა უწმინდესთან დასრულდა

მსოფლიო საპატრიარქოს მღვდელმთავრების შეხვედრა უწმინდესთან დასრულდა. დელეგაციის წევრებმა ილია მეორეს მსოფლიო პატრიარქის პოზიცია გააცნეს, რაც უკრაინაში საეკლესიო პროცესებს უკავშირდება. ცნობილია, რომ უკრაინის ეკლესია რუსეთის ეკლესიისგან გამოყოფას ითხოვს.
შეხვედრა მედიისთვის დახურული იყო. საპატრიარქოში განმარტავენ, რომ მათ ვებგვერდზე განცხადება განთავსდება, სადაც დღევანდელ შეხვედრაზე იქნება საუბარი.
გავრცელებული ინფორმაციით, მსოფლიოს საპატრიარქოდან საქართველოში ორკაციანი დელეგაციაა ჩამოსული – საფრანგეთისა და საბერძნეთის მიტროპოლიტები. ისინი თბილისში კიდევ ორ დღეს დარჩებიან.
ასევე გავრცელებული ცნობით, უკრაინის ავტოკეფალიასთან დაკავშირებით საქართველოს საპატრიარქო ხუთშაბათს შეიკრიბება, სინოდის სხდომა გაიმართება. სინოდის წევრებისთვის განსახილველი მთავარი საკითხი უკრაინის ეკლესიაში მიმდინარე თემაა.

ქეთი ფერაძე
ავტ.: ქეთი ფერაძე ივნისი 16, 2018 16:08

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,276
ვიზიტორი
დღეში
Powered By Google Analytics