მივესალმებით დისკუსიის ნებისმიერ შესაძლებლობას, რომ ყველა ქვეყანა ასრულებს სანქციებს, ეს არ გამორიცხავს იმ მისასალმებელ გზას, რომლებსაც გადიან უკრაინა, მოლდოვა, საქართველო, თუ დასავლეთ ბალკანეთის ქვეყნები, – ამის შესახებ ევროპარლამენტის პრეზიდენტმა რობერტა მეცოლამ განაცხადა.
ამასთან, როგორც მეცოლამ აღნიშნა, ყველაფერი, რაც ქვეყნებს გააერთიანებს, ერთ მაგიდასთან ერთობლივი გამოსვლის მოსაძიებლად, ერთობლივ გამოწვევებზე საპასუხოდ, ძალიან მნიშვნელოვანია. მისივე თქმით, ასევე მნიშვნელოვანია ის ფაქტი, რომ პრაღის შემდეგ, ევროპული პოლიტიკური გაერთიანების შემდეგი შეხვედრა მოლდოვაში გაიმართება.
„ჩვენ უნდა დავიცვათ ის ქვეყნები, რომლებიც ჯერ არ არიან ევროკავშირის წევრები, რომლებიც რუსეთის წინააღმდეგ ჩვენ მიერ დაწესებულ სანქციებს მიუერთდნენ და რომლებიც საფრთხის ქვეშ არიან მეზობლისგან. ასეთია მოლდოვა. ასე რომ, პრაღის შეხვედრას მივესალმებით. მივესალმებით დისკუსიის გამართვის ნებისმიერ შესაძლებლობას და იმის უზრუნველსაყოფად, რომ ყველა ქვეყანა ასრულებს სანქციებს და აღასრულებენ მათ. ეს ასევე არ გამორიცხავს იმ მისასალმებელ გზას, რომლებსაც გადიან ევროკავშირის წევრობის კანდიდატი ქვეყნები. იქნება ეს უკრაინა, მოლდოვა და საქართველო, თუ დასავლეთ ბალკანეთის სახელმწიფოები. ივლისში ჩვენ ეს დაპირება დავდეთ და ამ გზაზე წინ უნდა წავიწიოთ“, – განაცხადა რობერტა მეცოლამ.
