გარემოს ეროვნული სააგენტოს ინფორმაციით, საქართველოს მასშტაბით, არამდგრადი ამინდი ივნისის დასაწყისამდე შენარჩუნდება.
გარემოს ეროვნული სააგენტოს ინფორმაციით, დღეს და ხვალ საქართველოს უმეტეს რაიონში, მოსალოდნელია წვიმა ელ-ჭექით, აღმოსავლეთ საქართველოში კი მოსალოდნელია სეტყვა. მაისის ბოლომდე ჰაერის ტემპერატურა 22-28 გრადუსი იქნება.
კერძოდ, ხვალ, დასავლეთ საქართველოში მაქსიმალური ტემპერატურა 20-22 გრადუსი იქნება, ხოლო აღმოსავლეთში – 24-26. ორშაბათს და სამშაბათს დასავლეთ საქართველოში ტემპერატურა 24-26 გრადუსი იქნება, ხოლო აღმოსავლეთ საქართველოში 26-28 გრადუსი.
