კობახიძე: ვისაც ვაჟა წაკითხული აქვს ნაციონალი ვერ გახდება, ნაციონალი არის ანტივაჟა

“ნაციონალი ვერ იტანს ვაჟას, ისევე როგორც ყველაფერ წმინდას, რაც ჩვენს ტრადიციებსა და ღირსებას უკავშირდება”, – წერს პარლამენტის თავმჯდოამრე ირაკლი კობახიძე სოციალურ ქსელში.

კობახიძის თქით, ნაციონალი, თავისი არსით, არის ანტივაჟა.

“გუშინ და დღეს ნაციონალები ამტკიცებდნენ, რომ ქართული წესი – „დღეს სტუმარია ეგ ჩემი“ ვრცელდება მხოლოდ მოყვარეზე და არა მტერზე. შეგახსენებთ, რომ ვაჟას ეს ანდერძი გრძელდება სიტყვებით – „თუნდ ზღვა ემართოს სისხლისა“. ანუ წესის ობიექტი სწორედ რომ მტერია, თორემ მოყვარეს კაცი რომ მოყვრულად ხვდება, ამას გულზე მჯიღის ცემა საერთოდ არ ჭირდება. აქ პრობლემა უფრო მეტად მენტალიტეტშია, ვიდრე არცოდნაში. ნაციონალი ვერ იტანს ვაჟას, ისევე როგორც ყველაფერ წმინდას, რაც ჩვენს ტრადიციებსა და ღირსებას უკავშირდება. დარწმუნებული ვარ, ადამიანი, რომელსაც ვაჟა წაკითხული და გაგებული აქვს, ნაციონალი ვერასდროს გახდება. სხვანაირად რომ ვთქვათ, ნაციონალი, თავისი არსით, არის ანტივაჟა.

ამ დასკვნას ამყარებს ელენე ხოშტარიას კიდევ ერთი გუშინდელი გამონათქვამი – ინფორმაცია პოზნერის გეგმების შესახებ მისი მასპინძლისგან მქონდაო. ეს მართლა რუსეთის საერთაშორისო უსაფრთხოების სპეციალისტი და უმაღლესი ალბათობით, ეფესბეს აგენტი ყველას გასაგონად ამბობს, რომ ქართველი სტუმრის დამბეზღებელია, ანუ ქართველს აბრალებს იმას, რაც არის თავად, ნაციონალი – ანტივაჟა. ესენი არიან ადამიანები, რომლებსაც ხელში უჭირავთ რუსული ასანთი და ქვეყანას მუდმივად პრობლემებით ემუქრებიან. მათი გუშინდელი ფსევდოპატრიოტული ფსევდოპროტესტიც ამის კიდევ ერთი ნათელი დასტური იყო”, – წერს კობახიძე.

დღეს, 1 აპრილს, რუსმა ჟურნალისტმა ვლადიმერ პოზნერმა და მისმა სტუმრებმა მწვავე პროტესტის გამო საქართველო დაგეგმილზე ადრე დატოვეს. ისინი ქვეყანაში ყოფნას 3 აპრილამდე გეგმავდნენ, თუმცა მათ ქვეყნის დატოვება ჩარტერული რეისით რამდენიმე საათში მოუწიათ.

ვირუსის ბლოკატორები
წინა სტატიაშიუგულავა კვირიკაშვილს: თქვენი პოსტი მაინც ქოცურ ნარატივს ავითარებს
შემდეგი სტატიაგიორგი გახარია ძმებ არველაძეებთან ერთად გურიაში იმყოფებოდა