ხავიერ კოლომინა: საქართველოს ტერიტორიულ მთლიანობას ყველამ პატივი უნდა სცეს და ეს არის ნატო-ს ერთ-ერთი მთავარი გზავნილი

ნატო მხარს უჭერს საქართველოს ტერიტორიულ მთლიანობას საერთაშორისოდ აღიარებულ საზღვრებში, ვისურვებდით, ვიხილოთ პროგრესი მოუგვარებელ კონფლიქტებთან დაკავშირებით ჟენევის საერთაშორისო დისკუსიების კონტექსტში, – ამის შესახებ სამხრეთ კავკასიასა და ცენტრალურ აზიაში ნატო-ს გენერალური მდივნის სპეციალურმა წარმომადგენელმა, ხავიერ კოლომინამ განაცხადა.

კოლომინას თქმით, ნატო-ში მიაჩნიათ, რომ კონფლიქტების მოგვარების გზები უნდა გამოიძებნოს.

ხავიერ კოლომინა აცხადებს, რომ საქართველოს ტერიტორიულ მთლიანობას ყველამ პატივი უნდა სცეს და ეს არის ნატო-ს ერთ-ერთი მთავარი გზავნილი.

„მინდა ვუპასუხო ნატო-ს ყოფილი გენერალური მდივნის, ანდერს ფოგ რასმუსენის წინადადებას, რომელიც გამოვიდა ინიციატივით, რომ ნატო-ს მეხუთე მუხლი, ანუ კოლექტიური თავდაცვა დროებით არ გავრცელდეს რუსეთის მიერ ოკუპირებულ ქართულ ტერიტორიებზე. ჩემი პასუხი ცალსახაა – არა. მე არ განვიხილავ ამ ვარიანტს. სიმართლე რომ ვთქვა, არც კი მჯერა, რომ ეს წინადადება სასარგებლოა არსებულ ვითარებაში. ნატო მხარს უჭერს საქართველოს ტერიტორიულ მთლიანობას საერთაშორისოდ აღიარებულ საზღვრებში და ეს არის ერთ-ერთი მთავარი გზავნილი, რომლითაც არაერთხელ მივმართეთ არამხოლოდ საქართველოს ხელისუფლებას, არამედ ჩვენს მეტოქეებსაც. ჩვენ ვისურვებდით, ვიხილოთ პროგრესი მოუგვარებელ კონფლიქტებთან დაკავშირებით ჟენევის საერთაშორისო დისკუსიების კონტექსტში. მე გასულ კვირას გახლდით ეუთო-ს მინისტერიალზე და კარგი შეხვედრა მქონდა საქართველოს საგარეო საქმეთა მინისტრ ზალკალიანთან, მის მოადგილე დარსალიასთან. ჩვენ ვისაუბრეთ ჟენევის საერთაშორისო დისკუსიებში პროგრესის საჭიროებაზე. გვჯერა, რომ ჩვენ უნდა ვეძებოთ ზოგადად მოგვარების გზები და არა მოკლე გზები, რაც ჩვენი პოლიტიკა არ არის. მივიჩნევთ, რომ საქართველოს ტერიტორიული მთლიანობას უნდა სცენ პატივი და ეს არის ნატო-ს ერთ-ერთი მთავარი გზავნილი“, – განაცხადა კოლომინამ.

banner
წინა სტატიაშითიბისი კაპიტალის ყოველკვირეული განახლება მთავარი ეკონომისტისგან
შემდეგი სტატიახავიერ კოლომინა: ბოლო ექვს თვეში მიღებული ზოგიერთი გადაწყვეტილება, მაგალითად, ხელისუფლების მიერ 19 აპრილის შეთანხმების დატოვების შესახებ მიღებული გადაწყვეტილება, იყო აღქმული შეშფოთებით