დღეს, ,,მაესტროს” ექვსსაათიან საინფორმაციო გამოშვება ,, კონტაქტში”, ჟურნალისტ ნინო თოლორდავას კითხვაზე, შეძლებდა თუ არა ,,ქართული ოცნება” არჩევნებში გამარჯვებას ბიძინა ივანიშვილის გარეშე, პარტიის აღმასრულებელმა მდივანმა ირაკლი კობახიძემ უპასუხა: ,,ბიძინა ივანიშვილის ჩართულობა წინასაარჩევნო პროცესებში, ბუნებრივია, კიდევ უფრო გაზრდიდა ჩვენი წარმატების შანსებს, მაგრამ ა მ ი ს გ ა რ ე შ ე ც, ხვალ რომ ტარდებოდეს საპარლამენტო არჩევნები, ,,ქართულ ოცნებას” მისი რეიტინგიდან გამომდინარე, მისი ნაკეთები საქმეებიდან გამომდინარე, არ გაუჭირდება არჩევნებში გამარჯვება, დამაჯერებელი გამარჯვება. ამას კიდევ ერთხელ გავუსვამ ხაზს”.
ბატონო ირაკლი, თავად ბიძინა ივანიშვილმა თუ იცის ამის შესახებ? ჩვენ კი ვიცით, რომ მის გარეშე თქვენ მთებსაც გადადგამთ, მაგრამ მისთვის, ვფიქრობ, მოულოდნელი და თანაც სასიხარულო აღმოჩენა იქნება ეს ყოველივე–წერს “ფეისბუქის” საკუთარ გვერდზე ” დაიცავი საქართველოს ლიდერი კახა მიქაია.
