ბიძინა ივანიშვილმა კარგად დაინახა, რომ მას არავითარი მხარდაჭერა არ აქვს. ეს მხარდაჭერა იკლებს, „ოცნება“ ყოველდღიურად კარგავს ნდობას – აასე აფასებს „რესპუბლიკური პარტიის” ლიდერი ხათუნა სამნიძე „საერთაშორისო რესპუბლიკური ინსტიტუტის (IRI)“ კვლევის შედეგებს.
როგორც ცნობილია, არა IRI-ს, არამედ შიდა კვლევების საფუძველზე „ქართულ ოცნებას” ეს ინფორმაცია ჰქონდა. ბიძინა ივანიშვილმა კარგად დაინახა, რომ მას არავითარი მხარდაჭერა არ აქვს. ეს მხარდაჭერა იკლებს, „ოცნება“ ყოველდღიურად კარგავს ნდობას. ივანიშვილმა ნახა, რომ ოპოზიციური პარტიების ჯამური მხარდაჭერა აღემატება მის მხარდაჭერას და სწორედ ამან ჩააგდო ის პანიკაში, უკან წაიღო დანაპირები და არ შეასრულა პროპორციული არჩევნების თაობაზე გაკეთებული ძალიან სერიოზული დაპირება, როგორც ქართული საზოგადოების, ასევე საერთაშორისო საზოგადოების მიმართ“, – განაცხადა სამნიძემ.