იური ვაზაგაშვილის გარდაცვალებას სახალხო დამცველი ფეისბუქის საშუალებით ეხმაურება. უჩა ნანუაშვილი წერს:
“იქ, სადაც ათასობით ადამიანი თავს უფლებაშელახულად მიიჩნევს;
იქ, სადაც ეფექტური გამოძიება არაერთ საქმეზე კვლავ სერიოზული პრობლემაა;
იქ, სადაც დაუსჯელობის სინდრომი კვლავ გამჯდარია;
იქ, სადაც არ იქმნება მართლმსაჯულების ხარვეზის დამდგენი მექანიზმი;
სადაც წამების მსხვერპლნი კვლავ რეაბილიტაციას მოითხოვენ და ათასობით ადამიანი – კვლავ საქმის გადასინჯვას, იმ ქვეყანაში კლავენ სამართლიანობისთვის ბრძოლის ერთ-ერთ სიმბოლოს”, – წერს სახალხო დამცველი.