იტალიელმა მაშველებმა 4000-მდე არალეგალი გადაარჩინეს. სანაპირო დაცვის სამსახურმა ბოლო 2 დღის განმავლობაში ხმელთა შუა ზღვაში რამდენიმე ოპერაცია ჩაატარა. ყველა გადარჩენილი იტალიის დევნილთა ბანაკებში გადაჰყავთ.
ოფიციალური პირების განცხადებით, ზაფხულის დადგომასთან ერთად ახლო-აღმოსავლეთისა და ჩრდილო აფრიკის ქვეყნებიდან დევნილთა ნაკადი მნიშვნელოვნად გაიზარდა.
ერთი კვირის განმავლობაში ხმელთაშუაზღვაში ჩატარებული ოპერაციების შედეგად 13 ათასი ადამიანია გადარჩენილი. ასზე მეტი კი ნავების ამოყირავების შედეგად ზღვაში დაიხრჩო.
