ქალაქში განთავსებული ბანერები ძალიან არ მომწონს, სწორად არ მიმაჩნია ისევ სიძულვილზე საუბარი და ერთმანეთის უფრო მეტად გაშავების დღის წესრიგის შემოტანა, – ამის შესახებ ჟურნალისტებს პარლამენტის ვიცე-სპიკერმა, პარტია „მოქალაქეების“ წევრმა ლევან იოსელიანმა ოპოზიციის საწინააღმდეგო ბანერებთან დაკავშირებით განუცხადა.
„ჩვენი ბანერები აჩვენებს, როგორი ქალაქი უნდათ ადამიანებს. მეორე მხარეს არის სიძულვილისა და ოპონენტების გაშავებაზე მიზანმიმართული ბანერები. მოქალაქეებმა უნდა გააკეთონ არჩევანი, რა არის მათთვის მნიშვნელოვანი“, – აღნიშნა იოსელიანმა.