ჩრდილოეთ კავკასიაში სიტუაცია იძაბება – ინგუშეთის მალგობეკის რაიონში კონტრტერორისტული ოპერაციის რეჟიმი შემოიღეს, იტყობინება რეგიონის ოპერატიული შტაბი.
“რუსეთის უშიშროების ფედერალური სამსახურის ხელმძღვანელმა ინგუშეთის რესპუბლიკაში მიიღო გადაწყვეტილება ორშაბათს მოსკოვის დროით 20:00 საათიდან მალგობეკის რაიონის ტერიტორიაზე კონტრტერორისტული ოპერაციის ჩატარების შესახებ”,- ნათქვამია განცხადებაში.
რაიონის ტერიტორიაზე დაწესებულია კონტრტერორისტული ოპერაციის სამართლებრივი რეჟიმი და დროებითი შეზღუდვები.
გასული წლის ოქტომბრიდან ინგუშეთის უსაფრთხოების ფედერალური სამსახურის დირექტორატს გენერალ-მაიორი დიმიტრი კეჩკინი ხელმძღვანელობდა.
