დანია მიესალმება საქართველოში პოლიტიკური კრიზისის დასრულებას, – ამის შესახებ დანიის საგარეო საქმეთა მინისტრმა იეპე კოფოდიმ განაცხადა.
მისივე თქმით, ეს საქართველოს, ევროკავშირის და აშშ-ის ერთობლივი ძალისხმევის შედეგია.
ამასთან, დანიის საგარეო საქმეთა მინისტრი ყველა პარტიას მოუწოდებს, მიშელის ახალ დოკუმენტს ხელი მოაწერონ.
„ეს არის საქართველოს, ევროკავშირის და აშშ-ის ერთობლივი დაუღალავი ძალისხმევის შედეგი. მოვუწოდებ ყველა პარტიას, ხელი მოაწერონ შეთანხმებას. ეს შეთანხმება საქართველოს დაახლოებს მისი ევროატლანტიკური მისწრაფებების შესრულებასთან“, – განაცხადა იეპე კოფოდიმ.