საქართველოს პრეზიდენტი გიორგი მარგველაშვილი ჟურნალისტებს პროფესიულ დღეს ულოცავს. როგორც პრეზიდენტმა განაცხადა, როგორც მოქალაქე და როგორც პრეზიდენტი, აღიარებს ჟურალისტების მნიშვნელობას.
”დღეს არის ჟურნალისტების პროფესიული დღე. მე მინდა გითხრათ, რომ თქვენ ხართ რეალურად მეოთხე ხელისუფლება ქართულ პოლიტიკურ რეალობაში. მინდა გითხრათ, რომ როგორც მოქალაქე, როგორც პრეზიდენტი, როგორც ქვეყნის მეთაური, რომლის ერთ-ერთი მოვალეობაც არის ძალთა ბალანსის უზრუნველყოფა ამ ქვეყანაში, ვაღიარებ თქვენს მნიშვნელობას, იმას, რომ ხართ მეოთხე ხელისუფლება და ხაზს ვუსვამ, რომ მუდმივად დაგეხმარებით გაძლიერებსა და იმ როლში, რომელიც თქვენ უნდა შეასრულოთ ამ ქვეყნის პოლიტიკურ ცხოვრებაში”, – განაცხადა გიორგი მარგველაშვილმა.
