საქართველოს პრეზიდენტი გიორგი მარგველაშვილი დალი ფანჯიკიძის გარდაცვალების გამო მწუხარებას გამოთქვამს. სამძიმრის წერილი პრეზიდენტის ადმინისტრაციამ გაავრცელა.
“დიდ მწუხარებას გამოვთქვამ ბრწყინვალე მთარგმნელისა და გერმანისტის დალი ფანჯიკიძის გარდაცვალების გამო. უდიდესია მისი წვლილი ევროპული კულტურის, გერმანული ლიტერატურის პოპულარიზაციისა და ქართველი ახალგაზრდობის აღზრდის საქმეში. ამ უმძიმეს წუთებში თანადგომას ვუცხადებ მის შვილებს, ოჯახს და ვუსამძიმრებ მის ახლობლებს,”- ნათქვამია წერილში.
ცნობილი ქართველი მთარგმნელი, თბილისის სახელმწიფო უნივერსიტეტის პროფესორი დალი ფანჯიკიძე 25 აპრილს 81 წლისა გარდაიცვალა.