საქართველოს პრემიერ-მინისტრმა გიორგი გახარიამ კომპოზიტორ გია ყანჩელის გარდაცვალებას გამო მწუხარება გამოთქვა.
„დიდ მწუხარებას გამოვთქვამ უდიდესი ქართველი კომპოზიტორის გია ყანჩელის გარდაცვალების გამო. გენიალური შემოქმედის მუსიკა არა მარტო ქართულ, არამედ მსოფლიოს საგანძურად იქცა.
თანავუგრძნობ გია ყანჩელის ოჯახს, ახლობლებს და მთელ საქართველოს,“- ნათქვამია პრემიერ-მინისტრის სამძიმარში.
