ღარიბაშვილი – სოფლის მეურნეობის მიმართულებით დაახლოებით 7 მილიარდ ლარამდე დავხარჯავთ

სოფლის მეურნეობის მიმართულებით ჩვენ დაახლოებით 7 მილიარდ ლარამდე დავხარჯავთ. ეს ნიშნავს იმას, რომ ჩვენ კიდევ მეტ პროგრამებს დავაფინანსებთ ყველა რეგიონში, – ამის შესახებ საქართველოს პრემიერ-მინისტრმა ირაკლი ღარიბაშვილმა, გურჯაანის მერობის კანდიდატის, ზურაბ უტიაშვილის წარდგენის ღონისძიებაზე განაცხადა.

როგორც მთავრობის მეთაურმა აღნიშნა, მთავრობამ შეისწავლა რეგიონების და მუნიციპალიტეტების საჭიროებები და სწორედ ამ გეგმებით აპირებს სერიოზული ინვესტიციების განხორციელებას.

„გლეხს როდესაც რომ ერთ ჰექტარ მიწაზე მოიყვანოს დაახლოებით 30 ტონა ატამი, მისი საშუალო შემოსავალი შეიძლება იყოს დაახლოებით 50-60 ათასი ლარი საშუალოდ წელიწადში, რაც სხვებისთვისაც შეიძლება ძალიან კარგი მოტივატორი იყოს სხვებისთვისაც. ადამიანები ყოველთვის უყურებენ მაგალითს. ამ წარმატების მაგალითებს ქმნიან სწორედ ჩვენი მშრომელი ადამიანები. სოფლის მეურნეობის მიმართულებით ჩვენ დაახლოებით 7 მილიარდ ლარამდე დავხარჯავთ. ეს ნიშნავს იმას, რომ ჩვენ კიდევ მეტ პროგრამებს დავაფინანსებთ ყველა რეგიონში. ჩვენ პრობლემების იდენტიფიცირება მოვახდინეთ, ვიცით რომელ რეგიონს და მუნიციპალიტეტს რა სჭირდება, რომელი კულტურის განვითარება შეიძლება და სწორედ ამ გეგმებით ვაპირებთ სერიოზული ინვესტიციების განხორციელებას“, – განაცხადა ირაკლი ღარიბაშვილმა.

წინა სტატიაშიკორონავირუსით მამა ანდრია სიჭინავა გარდაიცვალა
შემდეგი სტატიასუს-ში სამოქალაქო განვითარებისა და მონიტორინგის ცენტრის თანამშრომლებს კითხავენ