დმიტრო კულება – უკრაინელ დიპლომატებს მუდმივი კავშირი აქვთ მიხეილ სააკაშვილთან

epa09257821 Ukraine's Foreign Minister Dmytro Kuleba speaks during a joint press conference with his German counterpart, in Berlin, Germany, 09 June 2021. EPA-EFE/JOHN MACDOUGALL / POOL

უკრაინელ დიპლომატებს მუდმივი კავშირი აქვთ საქართველოს ყოფილ პრეზიდენტ მიხეილ სააკაშვილთან, – ამის შესახებ, უკრაინული მედიის ცნობით, უკრაინის საგარეო საქმეთა მინისტრმა, დმიტრო კულებამ ბრიფინგზე მიხეილ სააკაშვილის უკრაინაში შესაძლო ექსტრადირების შესახებ დასმულ კითხვაზე განაცხადა.

„ჩვენ გვაქვს მუდმივი კავშირი მიხეილ სააკაშვილთან. ადვოკატებს აქვთ მასთან დაშვება, კონსულს აქვს მასთან დაუბრკოლებელი დაშვება. უკვე შედგა მასთან რამდენიმე საუბარი, რა დროსაც ჩვენ გავარკვიეთ მისი და მისი ადვოკატების მკაფიო პოზიცია“, – განაცხადა დმიტრო კულებამ.

უკრაინის საგარეო საქმეთა მინისტრის თქმით, საგარეო უწყება ახლა საქმის იურიდიულ მხარეს სწავლობს.

„კიდევ ერთხელ აღვნიშნავ, რომ სააკაშვილი უკრაინის მოქალაქეა, ჩვენ კი ჩვენს მოქალაქეებს საზღვარგარეთ გაჭირვებაში არ ვტოვებთ. ამიტომ, როდესაც მიღებულ იქნება გადაწყვეტილება, თუ რა გზით გავაგრძელოთ სვლა, ეს კი შეიძლება, იყოს არამხოლოდ ექსტრადირება, მაშინ ამის შესახებ გაცნობებთ“, – განაცხადა კულებამ.

წინა სტატიაშისაკმაოდ კალორიულ კვებაზეა, თაფლი, ხილი და ა.შ. – ზარქუა სააკაშვილზე
შემდეგი სტატიაგიორგი ნონიაშვილი – ივანიშვილის გამოსახულებით სატირულ პლაკატებზე ნადირობა გვიჩვენებს თუ როგორ ებრძვის ხელისუფლება ადმინისტრაციული რესურსის გამოყენებით ლეგიტიმუტ კრიტიკას