დმანისში შექმნილ ვითარებასთან დაკავშირებით შსს განცხადებას ავრცელებს

“შინაგან საქმეთა სამინისტრო, როგორც მართლწესრიგის დაცვაზე პასუხისმგებელი
უწყება, დმანისში შეკრებილ მოქალაქეებს მოუწოდებს, დაიცვან კანონის
მოთხოვნები და შეინარჩუნონ სიმშვიდე. პოლიცია იმოქმედებს მისთვის
მინიჭებული მანდატის ფარგლებში და რეაგირებას მოახდენს კანონდარღვევის
ნებისმიერ ფაქტზე.
შინაგან საქმეთა სამინისტროს მიერ ჩატარებული საგამოძიებო ღონისძიებებით ამ
ეტაპზე დადგენილია, რომ მიმდინარე წლის 16 მაისს, დმანისში, ყოფით ნიადაგზე
ადგილობრივები დაუპირისპირდნენ ერთმანეთს, რაც გადაიზარდა ჯგუფურ
ძალადობაში. პოლიციის მიერ იდენტიფიცირებულია დაპირისპირებაში მონაწილე
პირების ვინაობა, გამოძიების ფარგლებში ტარდება ყველა აუცილებელი
საგამოძიებო და საპროცესო მოქმედება.
დმანისში დაპირისპირების განმეორების პრევენციის და მოვლენების ხელოვნურად
ესკალაციის თავიდან არიდების მიზნით შინაგან საქმეთა სამინისტროს
თანამშრომლები მობილიზებული არიან და საზოგადოებრივ წესრიგს იცავენ.
შინაგან საქმეთა სამინისტრო კიდევ ერთხელ მოუწოდებს დაპირისპირებულ
მხარეებს, დაემორჩილონ პოლიციის კანონიერ მოთხოვნებს და შეინარჩუნონ
სიმშვიდე, რათა ხელი არ შეეწყოს ყოფით ნიადაგზე დაწყებული კონფლიქტის
ხელოვნურად ეთნიკურ დაპირისპირებაში გადაზრდას”-ნათქვამია შსს განცხადებაში.

რეკლამის ბანერი
წინა სტატიაშიანა ბუჩუკური – სამწუხაროა, რომ გიორგი შენგელიას მსგავსი ადამიანები იძულებული ხდებიან, თანამდებობა დატოვონ
შემდეგი სტატიალილუაშვილი – გიორგი შენგელიამ დაადასტურა, რომ „ქართული ოცნების“ ბოლო პერიოდის ნაბიჯები მიუღებელია