„დღეს მოქმედებს, პრეზიდენტის მიერ გამოცემული დეკრეტი. ყველა რეგულაცია წარმოდგენილია დეკრეტის სახით. განმეორებითი დარღვევის შემთხვევისას პირველი არის საჯარიმო ანუ ადმინისტრაციული სანქცია და შემდეგ უკვე, სისხლის სამართლის პასუხისმგებლობა – სამ წლამდე, როგორც ეს დეკრეტით იყო განსაზღვრული იგივე რჩება. არაფერი იცვლება რამეთუ, დეკრეტს აქვს უპირატესი გავლენა ნებისმიერ სხვა საკანონმდებლო აქტებთან მიმართებაში. მას ეძლევა ორგანული კანონის ძალა“, – აღნიშნულის შესახებ ჯანმრთელობის დაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ ტვ „იმედის“ გადაცემაში „ ღია ეთერი“ განაცხადა.