საქართველოს მოქალაქეები ექვსწლიანი ვადით დღეს მეხუთე პრეზიდენტს ირჩევენ. ეს ბოლო არჩევნები იქნება, როდესაც სახელმწიფოს მეთაურის არჩევა პირდაპირი გზით ხდება.
კენჭისყრაში პრეზიდენტობის 25 კანდიდატი მონაწილეობს, მათ შორის 19 – პოლიტიკური პარტიის, ხოლო ექვსი – ამომრჩეველთა საინიციატივო ჯგუფის მიერაა წარდგენილი.
სულ გახსნილია 3 ათას 703 საარჩევნო უბანი, მათ შორის 55 საზღვარგარეთ. რეგისტრირებულია სამი მილიონ ნახევარზე მეტი ამომრჩეველი. საარჩევნო უბნები 8:00 საათზე გაიხსნა და საღამოს 08:00-ზე დაიხურება. იმ შემთხვევაში, თუ პირველ ტურში საპრეზიდენტო კანდიდატებიდან რომელიმე ამომრჩეველთა ხმების 50%-ზე მეტს ვერ მოაგროვებს, არჩევნების მეორე ტური გაიმართება, რომელიც უნდა ჩატარდეს არაუგვიანეს პირველი დეკემბერსა.
