დავით უსუფაშვილი: დედა ნამდვილად დედაა, ცოლი ნამდვილად ცოლია, თანამშრომელი ნამდვილად თანამშრომელია – მე ამას ვადასტურებ

news
ავტ.: news ნოემბერი 10, 2015 11:26

დავით უსუფაშვილი: დედა ნამდვილად დედაა, ცოლი ნამდვილად ცოლია, თანამშრომელი ნამდვილად თანამშრომელია – მე ამას ვადასტურებ

პარლამენტის თავმჯდომარე ოპონენტებს მიმართავს. დავით უსუფაშვილის თქმით, თუ მისი ოპონენტები მიიჩნევენ, რომ მოსამართლე კოპალეიშვილი მისი თანამშრომელი იყო, მაშინ ეს ორმაგი აცილების საფუძველს იძლევა.

“დედა ნამდვილად დედაა, ცოლი ნამდვილად ცოლია, თანამშრომელი ნამდვილად თანამშრომელია – მე ამას ვადასტურებ. თუ თქვენ მიუთითებთ დამატებით საფუძვლებზე, რომ მოსამართლეებს შეიძლება კიდევ სხვა პრობლემები ჰქონდეთ და მიკერძოებულობა ეჭვქვეშ იდგეს, ორმაგი საფუძველი ყოფილა იმისა, რომ ეს საქმე სხვამ განიხილოს.

პარლამენტი არის მხარე სასამართლო პროცესში. ამიტომ, ეს პოზიცია ამა თუ იმ მოსამართლის მიკერძოება-მიუკერძოებლობასთან დაკავშირებით, არავითარ შემთხვევაში არ უნდა იყოს აღქმული როგორც პარლამენტის პოზიცია სასამართლოსთან დაკავშირებით,” – განმარტა დავით უსუფაშვილმა.

როგორც ცნობილია, საქართველოს პარლამენტმა რუსთავი 2-ის საქმეზე საკონსტიტუციო სასამართლოს მოსამართლეების აცილების შუამდგომლობით მიმართა. პარლამენტი მაია კოპალეიშვილისა და კონსტანტინე ვარძელაშვილის აცილებას ითხოვს.

news
ავტ.: news ნოემბერი 10, 2015 11:26

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics