ნაციონალური მოძრაობის ერთ-ერთი ლიდერი, დავით ბაქრაძე, დეპუტატ გივი თარგამაძის მანქანის აფეთქების ფაქტს ხელისუფლების რეჟიმის შედეგად აფასებს და აცხადებს, რომ ქართული საზოგადოება 8 ოქტომბერს ქართულ ოცნებას „სახლში გაუშვებს“.
„ამ ფაქტით გამოჩნდა კიდევ ერთი ძლიერი არგუმენტი, თუ რატომ უნდა დასრულდეს ეს ხელისუფლება. ივანიშვილის რეჟიმმა დაგვაბრუნა იმ ქვეყანაში, სადაც დღისით ქუჩაში ესვრიან იარაღს და აფეთქებენ მანქანებში. ეს ხელისუფლება დამთავრდება 4 დღეში და ეს აღარ გახლავთ პოლიტიკური გემოვნების საკითხი, ეს არის ჩვენი უსაფრთხოების და გადარჩენის საკითხი,“ – აცხადებს დავით ბაქრაძე.
https://www.youtube.com/watch?v=2hrNW-DIcP0&feature=youtu.be
