ოკუპირებული ცხინვალის რეგიონის ე.წ. პარლამენტი საოკუპაციო ხაზის დელიმიტაციისა და დემარკაციის მიზნით სპეციალურ კომისიას ქმნის. საოკუპაციო რეჟიმის წარმომადგენლები აცხადებენ, რომ ე.წ. საზღვრის დემარკაციის დროს არაერთი ოსური სოფლების ნაწილი საქართველოს მიერ კონტროლირებად ტერიტორიებზე აღმოჩნდა და ახლა ისინი იძულებული არიან ტერიტორიები უკან დაიბრუნონ. ე.წ. პარლამენტის ვიცე-სპიკერის განცხადებით, ახალი კომისია საზღვრებზე მსჯელობისას 1931-36 წლების რუკით იხელმძღვანელებს
ადგილობრივი მედიის ინფორმაციით, კომისიის შექმნის საკითხი მას შემდეგ დადგა, რაც აღმოჩნდა, რომ სოფელ წნელის ტერიტორიის ნაწილი საქართველოს მიერ კონტროლირებად ტერიტორიაზე მდებარეობს.