ჩილეს ეკონომიკის მინისტრი ლუის ფელილე სესპედესი იძულებული გახდა გასაბერი სექს-თოჯინის გამო, რომელიც მან მწარმოებლებისაგან საჩუქრად მიიღო, ბოდიში მოეხადა.
ტრადიციული საშობაო სადილისას, რომელიც სექს-თოჯინას მწარმოებელმა კომპანიამ გამართა, მისმა დირექტორმა რობერტო ფანტუჩიმ მინისტრს თოჯინა აჩუქა წარწერით: “ეკონომიკის სტიმულირებისათვის”.
ფოტოზე, სადაც მინისტრი საჩუქართან ერთად არის გადაღებული, იღიმის. ჩინოვნიკის სავარაუდო სიხარულმა ქვეყნის პრეზიდენტი აღაშფოთა. “ის, რაც სადილზე მოხდა, აღმაშფოთებელია. ქალების მიერ პატივისცემა ჩემი ორი მთავრობის მნიშვნელოვან ძალისხმევას წარმოადგენდა” – დაწერა მიშელ ბაჩელეტმა “ტვიტერის” საკუთარ გვერდზე. აღშფოთებულ პრეზიდენტს სექსუალური და რეპროდუქტიული უფლებების დაცვის ორგანიზაციებიც შეუერთდნენ.
საბოლოოდ, მინისტრმა სახალხოდ ბოდიში მოიხადა იმ რეაქციისთვის, რომელიც მას საჩუქრის გადაცემისას ჰქონდა.