ჭავჭავაძის გამზირზე ავტოსაგზაო შემთხვევის შედეგად დაშავებულები თბილისის სხვადასხვა საავადმყოფოში არიან გადაყვანილი

თაიმერი timer.ge
: თაიმერი timer.ge იანვარი 9, 2019 12:10

ჭავჭავაძის გამზირზე  ავტოსაგზაო შემთხვევის შედეგად დაშავებულები თბილისის სხვადასხვა საავადმყოფოში არიან გადაყვანილი

მნიშვნელოვანი

  • ჭავჭავაძის გამზირზე ავტოსაგზაო შემთხვევის შედეგად დაშავებულები თბილისის სხვადასხვა საავადმყოფოში არიან გადაყვანილი

სხვა სტატიები

ჭავჭავაძის გამზირზე ავტოსაგზაო შემთხვევის შედეგად დაშავებულები თბილისის სხვადასხვა საავადმყოფოში არიან გადაყვანილი.

„ელიზაბეთ ბლექველის“ ჰოსპიტალში გადაყვანილ პაციენტს ამჟამად ოპერაცია უკეთდება. ორი დაშავებული წევს „ევექსის“ რეგიონულ ჰოსპიტალში, ერთ-ერთ მათგანს ოპერაცია უტარდება.ქირურგიის ეროვნულ ცენტრში იმყოფება ორი დაშავებული, მათ მოტეხილობები არ აღენიშნებათ, თუმცა აუცილებელი კვლევები უტარდებათ.

ღუდუშაურის სახელობის ეროვნული სამეცნიერო ცენტრის გენერალური დირექტორის მოადგილის, მარინა გელანტიას განცხადებით, ღუდუშაურის კლინიკაში ამჟამად სამი დაშავებული მკურნალობს, მათგან ორს ქალა-ტვინის მსუბუქი ფორმის დახურული ტრავმები აღენიშნება და სტაციონარში ორი დღე დარჩებიან, ერთ პაციენტს კი, მხოლოდ ზედაპირული დაზიანებები აქვს და დღესვე გაეწერება კლინიკიდან. ექიმის თქმით, ყველა მათგანის მდგომარეობა მსუბუქი დაზიანებებით ფასდება.

თბილისში, დილით ჭავჭავაძის გამზირზე ავტოსაგზაო შემთხვევას მსხვერპლი მოყვა. არსებული ინფორმაციით, სასწრაფო დახმარების მანქანა მშენებლობის მიმდებარედ ჯიხურს დაეჯახა, სადაც იქვე დასაქმებული ადამიანები იყვნენ შეკრებილნი. შემთხვევის შედეგად გარდაიცვალა ერთი და დაშავდა 12 ადამიანი.

როგორც “თაიმერს” შსს-ს პრესსამსახურში განუცხადეს, საქმეზე გამოძიება სსკ-ის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

თაიმერი timer.ge
: თაიმერი timer.ge იანვარი 9, 2019 12:10

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


25,808
ვიზიტორი
დღეში
Powered By Google Analytics