ბულგარეთის სამხედრო-საჰაერო ძალების მფრინავები უარს აცხადებენ რუსული საჰაერო საშუალებებით ფრენაზე, კერძოდ “МиГ-29”-ის ექსპლუატაციაზე. ისინი თვლიან, რომ რუსული წარმოების თვითმფრინავებით ფრენა მათ საფრთხეს უქმნის. როგორც გამოცემა “Цензор.НЕТ” წერს, რუსულმა მხარემ ამასწინათ გაარემონტა რამდენიმე “МиГ-29”-ის ძრავა, თუმცა ბულგარულ მხარეს არ წარუდგინა შესაბამისი დოკუმენტები, რამაც მფრინავებში ეჭვი გააჩინა მათი არასაიმედო წარმომავლობის თაობაზე. ბულგარეთის სახელმწიფო რადიოს ცნობით, 24 ოქტომბერს სამხედრო მფრინავებმა გაფიცვა გამოაცხადეს და ჩაშალეს დაგეგმილი “სასწავლო გაფრენები”.