უკრაინის, მოლდოვისა და საქართველოს ევროკავშირში გაწევრიანების შესაძლებლობები, ევროკომისიის შეფასება და ფორმალურ/პრაქტიკული ნაბიჯები ევროკავშირის წევრობისთვის – ბრიუსელში, ევროპული პოლიტიკის ცენტრში 3 ქვეყნის ევროინტეგრაციის საკითხზე იმსჯელებენ.
ღონისძიებას ევროკომისიის სამეზობლო პოლიტიკისა და გაფართოების მოლაპარაკებების გენერალური დირექტორის მოადგილე, მაცეი პოპოვსკი გაუძღვება.
განცხადებაში აღნიშნულია, რომ ამ საკითხების განხილვა განსაკუთრებით მნიშვნელოვანია მას შემდეგ, რაც 23 ივნისს ევროკავშირმა ოფიციალურად მიანიჭა კანდიდატის სტატუსი უკრაინასა და მოლდოვას, საქართველოს შემთხვევაში კი ევროპული პერსპექტივა აღიარა.
