ბელგოროდის რეგიონის დაბომბილი დასახლებიდან ზოგიერთი სკოლის მოსწავლეები ევაკუირებული იქნა დაღესტანისა და სტავროპოლის ტერიტორიის ბავშვთა სახლებსა და სკოლა-ინტერნატებში. ამის შესახებ „მნიშვნელოვანი ისტორიები“ ევაკუირებული ბავშვების მშობლებზე დაყრდნობით წერს.
როგორც გამოცემა აღნიშნავს, მშობლებს დაპირდნენ, რომ სკოლის მოსწავლეებს საერთო საცხოვრებელში მოათავსებდნენ, მაგრამ უკვე გზაში აღმოჩნდა, რომ ისინი ბავშვთა სახლში გადაჰყავდათ. ”ჩვენ წავედით დასასვენებლად ბავშვთა ბანაკში და აღმოვჩნდით ბავშვთა სახლში”, – განუცხადა ბელგოროდის მცხოვრებმა ჟურნალისტებს.
ბელგოროდის რეგიონის განათლების დეპარტამენტმა გამოცემის თანამოსაუბრეს განუცხადა, რომ ადგილების ნაკლებობის გამო, ბავშვები “განაწილდნენ, როგორც შეეძლოთ”.
ზოგიერთი სკოლის მოსწავლე ევაკუირებული იქნა ბერიოზკას ბავშვთა ბანაკში, რომელიც მდებარეობს ტულას მახლობლად ტყეში. ბავშვების კიდევ ერთი ჯგუფი მიიყვანეს ავანგარდის სამხედრო-პატრიოტულ ბანაკში, თუმც,ა დაჰპირდნენ, რომ გაგზავნიან ვოლოგდას საგანმანათლებლო ცენტრ “იმპულსში”.
