ბათუმში ამ დრომდე პოლიციაა მობილიზებული. ქალაქში სიმშვიდეა, თუმცა შსს-ს დანაყოფები 24 საათიან რეიდს ახორციელებენ. ორი დღის წინ განვითარებული მოვლენების გამო, ბათუმში სამართალდამცველები სხვადასხვა რეგიონებიდან იმყოფებიან.
ამ დრომდე უცნობია ზარალის ზუსტი ოდენობა, მას ბათუმის მერიის წარმომადგენლები უკვე ორი დღეა ითვლიან მერიის ინფორმაციით, დაკარგულია 25 დეკორატიული ღობე. ამ დროისთვის მოხდა დაზიანებული ქვაფენილის და შუქნიშნების აღდგენა. არ არის გამორიცხული ბათუმის მერიას ინფრასტრუქტურის აღდგენის მიზნით ტენდერის გამოცხადება მოუხდეს.
