აუდიტის სამსახურის მიერ გასაჯაროებული ინფორამციის საფუძველზე პროკურატურამ გამოძიება დაიწყო

ქეთი ფერაძე
ავტ.: ქეთი ფერაძე მაისი 23, 2017 14:10

აუდიტის სამსახურის მიერ გასაჯაროებული ინფორამციის საფუძველზე პროკურატურამ გამოძიება დაიწყო

სახელმწიფო აუდიტის სამსახურის მიერ გასაჯაროებული ინფორმაციის საფუძველზე, მთავარმა პროკურატურამ გამოძიება დაიწყო.

აღნიშნულთან დაკავშირებით პროკურატურა განცხადებას ავრცელებს, რომელსაც „თაიმერი“ უცვლელად გთავაზობთ:

„საქართველოს პროკურატურამ, სახელმწიფო აუდიტის სამსახურის მიერ 2006 წელს ქ. თბილისის მერიის მიერ უძრავი ქონებების გადაცემასთან დაკავშირებით საჯაროდ გავრცელებული ინფორმაციის საფუძველზე დაიწყო გამოძიება სისხლის სამართლის საქმეზე, ცალკეულ მოხელეთა მიერ სამსახურებრივი უფლებამოსილების ბოროტად გამოყენებისა და სამსახურებრივი უფლებამოსილების გადამეტების შესაძლო ფაქტებზე, სისხლის სამართლის კოდექსის 332-ე და 333-ე მუხლებით გათვალისწინებული დანაშაულის ნიშნებით.

ვინაიდან ,,სახელმწიფო აუდიტის სამსახურის შესახებ“ საქართველოს კანონის 241-ე მუხლის თანახმად, დანაშაულის ნიშნების შემცველი აუდიტის მასალების გადაგზავნა დაუყოვნებლივ უნდა მოხდეს სამართალდამცავ ორგანოში, რასაც სახელმწიფო აუდიტის სამსახური აჭიანურებს, უწყების მიერ ინფორმაციის გავრცელებამდე საქართველოს პროკურატურამ წერილობით მიმართა სახელმწიფო აუდიტის სამსახურს და მოითხოვა 2006 წელს ქ. თბილისის მერიის მიერ მუნიციპალიტეტის კუთვნილი მიწის ნაკვეთების გადაცემასთან დაკავშირებით უწყებაში მიმდინარე აუდიტის მასალების გადმოგზავნა. ამ მომენტამდე სახელმწიფო აუდიტის სამსახურს აღნიშნული მასალები არ მოუწოდებია.

დღეს, მთავარმა პროკურატურამ, სისხლის სამართლის საქმეზე სრულყოფილი და ობიექტური გამოძიების წარმოების მიზნით, კვლავ მიმართა სახელმწიფო აუდიტის სამსახურს გამოძიებისთვის საჭირო აუდიტის შესაბამისი მასალების გამოთხოვის მიზნით.

გამოძიების შედეგების შესახებ დამატებით ეცნობება საზოგადოებას“, – ნათქვამია პროკურატურის განცხადებაში.

სახელმწიფო აუდიტის სამსახურმა თბილისის მერიის საკუთრებაში არსებული ქონების მართვისა და განკარგვის შესაბამისობის აუდიტის შედეგები გუშინ გაასაჯაროვა.

საქმე მიწის მონაცვლეობასთან დაკავშირებით თბილისის მერიასა და ყოფილი მთავარი პროკურორის ოთარ ფარცხალაძის კუთვნილ კომპანია შპს „ბი ეს არ – სი დი ჯი დეველოპმენტს“ შორის გაფორმებულ ხელშეკრულებს ეხება.

ქეთი ფერაძე
ავტ.: ქეთი ფერაძე მაისი 23, 2017 14:10

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,001
ვიზიტორი
დღეში
Powered By Google Analytics