ამომრჩევლის მოსყიდვა ზუგდიდში – ვოლსკი ოპოზიციის ბრალდებებს ფანტაზიას უწოდებს

თაიმერი timer.ge
: თაიმერი timer.ge მაისი 14, 2019 12:11

ამომრჩევლის მოსყიდვა ზუგდიდში – ვოლსკი ოპოზიციის ბრალდებებს ფანტაზიას უწოდებს

საპარლამენტო უმრავლესობაში გამორიცხავენ, რომ სამეგრელოში ხელისუფლება ამომრჩევლის მოსყიდვას ცდილობს.

პარლამენტის ვიცე-სპიკერი, გია ვოლსკი ამბობს, რომ ფულის მასიური დარიგების ფაქტი არ შეიძლება დაიმალოს. თუმცა ის ფანტაზიას უწოდებს „ნაციონალური მოძრაობის“ განცხადებას, რომ ხელისუფლებამ ზუგდიდში მოსახლეობის ხმების ყიდვა დაიწყო.

ხმის მიცემის სანაცვლოდ თანხის შეთავაზება გუშინ რამდენიმე ამომრჩეველმაც დაადასტურა. ვოლსკი კი ფიქრობს, რომ სანდრა რულოვსის დამარცხება გარდაუვალია და ოპოზიცია წინასწარ ამზადებს ნიადაგს, რომ ამომრჩევლის მოსყიდვაზე აპელირება დაიწყოს.

„საერთოდ ფულის დარიგება, მით უმეტეს მასიური დარიგება არ იმალება და ძალიან დიდი ფანტაზიის უნარი უნდა გქონდეს, ანდა სერიოზულ გეგმებს უკავშირდება ის, რასაც ახლა “ნაციონალური მოძრაობა” ამბობს. ფაქტია, რომ სანდრა რულოვსს ნაკლები შანსი აქვს და რასაკვირველია ამას უნდა მოჰყვეს გარკვეული პროტესტი და არა აღიარება იმისა, რომ მათმა კანდიდატმა წააგო. დრამატიზება არ მომწონს მაგრამ მე ვფიქრობ, ჩვენს კანდიდატს კარგად იცნობენ ანალიზიც სიღრმისეული კეთდება საზოგადოების მხრიდან. ვფიქრობ,რომ პირველივე ტურში იქნება გამარჯვება,“-აცხადებს გია ვოლსკი.

თაიმერი timer.ge
: თაიმერი timer.ge მაისი 14, 2019 12:11

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,714
ვიზიტორი
დღეში
Powered By Google Analytics