„ბასიანსა“ და „გალერიში“ ჩატარებული საგამოძიებო მოქმედებების შემდეგ, კლუბებში ნარკოტიკებით ინტოქსიკაციის შედეგად გარდაცვალების ფაქტები ხუთჯერ შემცირდა

მას შემდგომ, რაც „ბასიანსა“ და „გალერიში“ ჩავატარეთ საგამოძიებო მოქმედებები, კლუბებში ნარკოტიკებით ინტოქსიკაციის შედეგად გარდაცვალების ფაქტები ხუთჯერ შემცირდა, – ამის შესახებ ჟურნალისტებს შინაგან საქმეთა მინისტრის მოადგილე ვლადიმერ ბორცვაძემ განუცხადა.

ბორცვაძემ სამართალდამცველების მიერ ბოლო პერიოდში ჩატარებული ღონისძიებების შედეგად, ნარკოდანაშაულის გახსნილი ფაქტებისა და დიდი ოდენობით სხვადასხვა სახის ნარკოტიკული საშუალების ამოღების შესახებ დღეს ბრიფინგი გამართა. ბრიფინგის ბოლოს, ვლადიმერ ბორცვაძემ ჟურნალისტის კითხვას უპასუხა, რომელიც ეხებოდა 1 წლის წინ კლუბებში ჩატარებულ ღონისძიებებს.

„მას შემდგომ, რაც ჩვენ კლუბებში, „ბასიანსა“ და „გალერიში“ ჩავატარეთ საგამოძიებო მოქმედებები, წინა წლის სტატისტიკურ მონაცემებთან შედარებით, საქართველოს მასშტაბით, კლუბებში ნარკოტიკებით ინტოქსიკაციის შედეგად გარდაცვალების ფაქტები შემცირდა ხუთჯერ. ამავდროულად, ამ საგამოძიებო მოქმედებებით, ჩვენ ვამხილეთ 8 ნარკორეალიზატორი, რომლებიც კლუბების შიგნით და ასევე, კლუბების მიმდებარედ, ეწეოდნენ ნარკოტიკული ნივთიერებების გასაღებას. დღევანდელი მოცემულობით რვავე ნარკორეალიზატორის მიმართ დამდგარია სასამართლოს გამამტყუნებელი განაჩენი, რომელიც შესულია კანონიერ ძალაში. სწორედ ეს არის ის რეზულტატი და ის შედეგი, რომელიც ჩვენ ამ ღონისძიებების შედეგად მივიღეთ,“ – განაცხადა ვლადიმერ ბორცვაძემ.

banner
წინა სტატიაშისამსახურებრივი უფლებამოსილების ბოროტად გამოყენების ფაქტზე, სატყეო უბნის სპეციალისტი ამხილეს
შემდეგი სტატიაამომრჩევლის მოსყიდვა ზუგდიდში – ვოლსკი ოპოზიციის ბრალდებებს ფანტაზიას უწოდებს