სტრასბურგის სასამართლოს გადაწყვეტლებას, რომლის თანახმად, რუსეთიდან საქართველოს მოქალაქეთა დეპორტაციის გამო, რუსეთმა საქართველოს კომპენსაციის სახით 10 მილიონი ევრო უნდა გადაუხადოს, საქართველოს სახალხო დამცველმა ადამიანის უფლებათა დაცვის თვალსაზრისით უმნიშვნელოვანესი მოვლენა უწოდა:
„დღეს დავინახეთ, რომ ადამიანის უფლებების დაცვისთვის ბრძოლას ყოველთვის აქვს შედეგი, მაშინაც კი, როდესაც დიდ და გავლენიან სახელმწიფოს უპირისპირდები – და ევროპული სასამართლო არის ეს ადგილი!“ – განაცხადა ნინო ლომჯარიამ.
შეგახსენებთ, რომ 2019 წლის 31 იანვარს ადამიანის უფლებათა ევროპული სასამართლოს დიდი პალატის გადაწყვეტილებით, კომპენსაციის თანხა 2006 წელს რუსეთიდან გამოძევებულ 1 795 დაზარალებულზე გადანაწილდება.