ცნობილი ქართველი მწერალი და დრამატურგი რეზო ჭეიშვილი ქუთაისში, მწვანე ყვავილას პანთეონში დაკრძალეს. მთელი დღის მანძილზე სამოქალაქო პანაშვიდი ლადო მესხიშვილის სახელობის დრამატულ თეატრში მიმდინარეობდა. ოჯახის წევრებს საქართველოს ყოფილმა პრემიერ–მინისტრმა ბიძინა ივანიშვილმა, მისმა მეუღლემ ეკატერინე ხვედელიძემ, იმერეთში სახელმწიფო რწმუნებულმა–გუბერნატორმა გივი ჭიჭინაძემ, პირველმა მოადგილემ პაატა ნადირაძემ, ვიცე–გუბერნატორებმა: გიორგი ჭიღვარიამ, იოსებ ხახალეიშვილმა და ქუთაისის მერმა შოთა მურღულიამ მიუსამძიმრეს.
