19-წლამდელთა ელიტრაუნდის ბოლო, მესამე ტურის მატჩები დასრულდა. ვაკის სტადიონზე გიორგი დევდარიანის გუნდი თურქეთის ნაკრებს შეხვდა და 2:1 დაამარცხა.
აუტსაიდერთა მატჩს სატურნირო დატვირთვა აღარ ჰქონდა, რადგან ევროპის ჩემპიონატის საგზურის მოპოვების შანსი საქართველოს და თურქეთს აღარ ჰქონდათ.
41-ე წუთზე ჩენგიზ უნდერმა გახსნა ანგარიში. 57-ე წუთზე ანგარიში შეცვლაზე შესულმა გიორგი თევზაძემ შესანიშნავი გოლით გაათანაბრა. 87-ე წუთზე საქართველოს გამარჯვება გურამ გოშთელიანმა მოუტანა – 2:1.
ვაკის სათადარიგო სტადიონზე ერთმანეთს ჯგუფის ლიდერები ესპანეთი და პორტუგალია შეხვდნენ.
პირველი ტაიმი ესპანელებმა 2:0 მოიგეს, გოლები აარონ კარიკოლმა და ბორხა მაიორალმა გაიტანეს. მეორე ტაიმშიც ორი გოლი გაიტანეს ესპანელებმა, გოლები მარკო ასენსიომ და ალფონსო პედრასამ გაიტანეს. ამრიგად, ესპანეთის ნაკრებმა ევროპის ჩემპიონატის ფინალური ეტაპის საგზური მოიპოვა.