რუსეთის პოლიტიკური პარტია “პარნასის” ერთ-ერთი ლიდერი, ილია იაშინი აცხადებს, რომ იაროსლავში, ბორის ნემცოვის ოფისში პოლიციამ ჩხრეკა ჩაატარა. “ბიბისის” ცნობით, იაშინი აცხადებს, რომ დაკითხვაზე დაიბარეს მოკლული ოპოზიციონერის თანაშემწე, მიხაილ კონევი.
“ამის შესახებ მე ნემცოვის თანაშემწემ მიხაილ კონევმა მაცნობა, თუმცა, სამწუხაროდ, არ მაქვს სრული ინფორმაცია, ვინაიდან გამომძიებლებმა მას ტელეფონი ჩამოართვეს დაკითხვის დროს”, – განაცხადა იაშინმა.
რუსი ოპოზიციონერი, ბორის ნემცოვი 27 თებერვალს ღამით კრემლთან ახლოს მოკლეს.