ერთსაათიანი შესვენების შემდეგ საკანონმდებლო ორგანოში სხდომა 15 წუთიანი დაგვიანებით გაგრძელდა. სხდომის დაწყების წინ საქართველოს პარლამენტის თავმჯდომარემ დავით უსუფაშვილმა განაცხადა, რომ პრეზიდენტის გამოსვლის შემდეგ შეთანხმების მიხედვით ფრაქციის თავმჯდომარეებს ეძლევათ საშუალება გააკეთონ განცხადებები.
მისივე განმარტებით, გამომსვლელებს საკუთარი მოსაზრების დასაფიქსირებლად 15 წუთი აქვთ.
როგორც „თაიმერის“ ჟურნალისტები ადგილიდან იუწყებიან, ამ დროისათვის სხდომა ნახევრად ცარიელ დარბაზში მიმდინარეობს.