უკრაინაში აშშ-ის ელჩის ჯეფრი პაიეტის ინფორმაციით, 100 ამერიკული სამხედრო ჰამერი უკვე ოდესაშია და ამის დამადასტურებელ ფოტოებს twitter-შიც ავრცელებს
ელჩი აღნიშნავს, რომ ჰამერების მიწოდება, უკრაინული არმიის მხარდაჭერაზე აშშ-ის ვიცე-პრეზიდენტ ჯო ბაიდენის დანაპირების შესრულებაა, რომელიც მან 2015 წლის მარტში გასცა.
“High Mobility Multipurpose Wheeled Vehicle” ანუ იგივე “Humvee” – ერთ-ერთი ყველაზე ცნობილი ამერიკული სამხედრო მანქანაა, რომელიც აშშ-ს მრავალ სამხედრო ოპერაციაში გამოიყენება.
უკრაინამ ამერიკული მხარისგან 2015 წლის მარტის მიწურულს რამდენიმე მსგავსი მანქანა უკვე მიიღო.