გათავისუფლების მომზადების, დაბალი რისკის თავისუფლების აღკვეთისა და ნახევრად ღია ტიპის დაწესებულებაში მყოფ მსჯავრდებულებს უფლება ენიჭებათ, ტელევიზორი და რადიო მიმღები ყოველგვარი ნებართვის გარეშე შეიძინონ.
აღნიშნულ ინიციატივას ის საკანონმდებლო პაკეტი ითვალისწინებს, რომელსაც დეპუტატებს სასჯელაღსრულებისა და პრობაციის მინისტრი კახა კახიშვილი აცნობს.
მინისტრის თქმით, მსჯავრდებულებს ტელევიზორი და რადიო მიმღები სანქციის სახით ჩამოერთმევათ, თუმცა ექვსი თვის ვადით, რათა ეს ბერკეტად არ იქცეს.
მინისტრის განმარტებით, ტელევიზორებისა და რადიო მიმღებების შეძენა მაღაზიებში მოხდება, რათა უსაფრთხოება იყოს დაცული.
კახიშვილის ინფორმაციით, ფასები დარეგულირებული იქნება, რათა „200-ლარიანი ღირებულების ტელევიზორის ფასი პატიმრისთვის 1 500 ლარი არ იყოს“.