სტრასბურგის სასამართლომ საქართველოს მთავრობას წამების მსხვერპლი ყოფილი პატიმრის სასარგებლოდ 3 000 ევროს გადახდა დააკისრა

timer.ge თაიმერი
: timer.ge თაიმერი ნოემბერი 7, 2017 17:49

სტრასბურგის სასამართლომ საქართველოს მთავრობას წამების მსხვერპლი ყოფილი პატიმრის სასარგებლოდ 3 000 ევროს გადახდა დააკისრა

მნიშვნელოვანი

  • ადამიანის უფლებათა ევროპულმა სასამართლომ წამების მსხვერპლი ყოფილი პატიმრის სასარგებლოდ საქართველოს მთავრობას 3 000 ევროს გადახდა და გამოძიების წარმოება დააკისრა.

სხვა სტატიები

ადამიანის უფლებათა ევროპულმა სასამართლომ წამების მსხვერპლი ყოფილი პატიმრის სასარგებლოდ საქართველოს მთავრობას 3 000 ევროს გადახდა და გამოძიების წარმოება დააკისრა.

როგორც „თაიმერს“ ადამიანის უფლებათა ცენტრიდან აცნობეს, ორგანიზაციის სამართლებრივი დახმარებით, საქართველოს მოქალაქე დ.ჩ.-მ 2014 წელს საჩივარი შეიტანა ადამიანის უფლებათა ევროპულ სასამართლოში და განაცხადა, რომ 2012 წლამდე იგი იყო წამებისა და არაადამიანური მოპყრობის მსხვერპლი #8 პენიტენციური დაწესებულების თანამშრომელთა მხრიდან.

„დ.ჩ.-ს ცემისა და არაადეკვატური სამედიცინო მომსახურების გამო, მხედველობა არსებითად გაუუარესდა. შესაბამისად, იგი ვეღარ ახორციელებს პროფესიულ საქმიანობას. დ.ჩ. პროფესიით არის მხატვარი. ადამიანის უფლებათა ცენტრმა სტრასბურგის სასამართლოში არასათანადო მოპყრობის დამადასტურებელი მტკიცებულებები წარადგინა. საჩივარი სასამართლოში გაიგზავნა ადამიანის უფლებათა ევროპული კონვენციის მე-3 (წამების აკრძალვა) და მე-13 (არაეფექტური შიდასახელმწიფოებრივი დაცვის საშუალება) მუხლების დარღვევის დადგენის მოთხოვნით.

ადამიანის უფლებათა ევროპული სასამართლოს მიერ გადაწყვეტილების გამოტანამდე, საქართველოს ხელისუფლებამ ცალმხრივი დეკლარაციით აღიარა კონვენციის მე-3 და მე-13 მუხლების დარღვევა, რაც სასამართლომ სრულად გაიზიარა. დ.ჩ.-ს სასარგებლოდ სახელმწიფოს დაეკისრა 3000 ევროს გადახდა და ამავე დროს, მისი წამების საქმეზე გამოძიების წარმოება.

ადამიანის უფლებათა ევროპულ სასამართლოში დ.ჩ.-ს ინტერესებს ადამიანის უფლებათა ცენტრის იურიდიული სამსახურის უფროსი თამარ ავალიანი წარმოადგენდა“, – ნათქვამია ადამიანის უფლებათა ცენტის განცხადებაში.

timer.ge თაიმერი
: timer.ge თაიმერი ნოემბერი 7, 2017 17:49

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,430
ვიზიტორი
დღეში
Powered By Google Analytics