პატრიარქის დაცვის ყოფილი უფროსის სოსო ოხანაშვილის სკანდალურ განცხადებას გამოეხმაურა ჭყონდიდელი მიტროპოლიტი. როგორც ტვ პირველის ეთერით გახდა ცნობილი, სოსო ოხანაშვილი ჰყვება, რომ შორენა თათრუაშვილმა საპატრიარქოში მკითხავი მიიყვანა და იქ, ჯადო, ნემსებიანი თოჯინა აღმოაჩინა. მეუფე პეტრე ტვ მედის ეთერში აცხადებს, რომ მას ეჭვი არ შეაქვს არც ოხანაშვილის და არც ბუჩუკურის განცხადებაში, რადგან ისინი პატრიარქის უერთგულესი ადამიანები არიან. მეუფე პეტრემ კიდე ერთი ფაქტის შესახებ ისაუბრა, რომელიც შორენა თეთრუაშვილის რეკომენდაციით, მკითხავი ქალის მონაზვნად აღკვეთას ეხება.
