სოციალურ ქსელში ვრცელდება ინფორომაცია, რომ ვაკე საბურთალოს გადასასვლელ გზასთან ვერეს დასახლებაში, რამდენიმე კერძო სახლი დაიტბორა.
მოქალაქეები წერენ, რომ 3 სართულიანი სახლების მხოლოდ სახურავები ჩანს.
„112 დავრეკეთ, ჯერ დამხმარე რაზმები არ მისულან იქნებ ვინმემ მიაწვდინოთ ხმა და დავეხმაროთ, ფანრებს ანათებენ შველას ითხოვენ სახლები მოძრაობენ და მდინარემ ხეები წაიღო. კატასტროფა ხდება“, – წერენ მოქალაქეები.
დედაქალაქში მოსულმა ძლიერმა წვიმამ რამდენიმე ქუჩა, საცხოვრებელი სახლები და სარდაფები დატბორა. ამჟამად სახანძრო და სამაშველო ბრიგადები გასული არიან სხვადასხვა მიმართულებით.
