ნარკოტიკების ინტერნეტით გასაღების ფაქტზე დაკავებულ ორ ახალგაზრდას დღეს ბრალს ოფიციალურად წაუყენებენ. მათი აღკვეთის ღონისძიებაზე კი სასამართლო, სავარაუდოდ, ხვალ იმსჯელებს.
რაც შეეხება ერთ-ერთი დაკავებულის, გიორგი გოგებაშვილის ძმას, რომელიც შინაგან საქმეთა სამინისტროს ინფორმაციით, ვაკე-საბურთალოს სამმართველოს მე-4 განყოფილების უბნის ინსპექტორ-გამომძიებელია, მას უფლებამოსილება დროებით საკუთარი განცხადების საფუძველზე უკვე შეჩერებული აქვს.
უწყებაში განმარტავენ, რომ ამ ეტაპზე იაკობ გოგებაშვილის დანაშაულში მონაწილეობის ფაქტი არ დასტურდება, თუმცა აქტიური საგამოძიებო მოქმედებები გრძელდება.
