“ლეიბორისტული პარტიის” ლიდერის შალვა ნათელაშვილის განცხადება:
“იმის გამო, რომ საქართველოს ხელისუფლება უარს აცხადებს გაატაროს დემოკრატიული საარჩევნო რეფორმა და გააუქმოს მაჟორიტარიზმი, საფრთხე შეექმნა ზაფხულიდან ევროპაში ვიზა-ლიბერალიზაციის ამოქმედებას. ამ ყველაფერზე პასუხი უნდა აგოს არა ხალხმა, არამედ, რეჟიმის მეთაურმა!
ჩვენ მივმართავთ ყველა დემოკრატიული ქვეყნის სახელმწიფოთა და მთავრობათა მეთაურებს, დააყადაღონ მათ ტერიტორიებზე ბანკებში არსებული საქართველოს დე-ფაქტო მმართველის ივანიშვილის მილიარდიანი კრიმინალური ანგარიშები, რაც იძულებულს გახდის მთავრობას წავიდეს საარჩევნო ცვლილებებზე და ასევე, დაკეტავს შავი მილიონების გამოყენების გზას არჩევნების მასობრივი ფალსიფიცირებისათვის-აღნიშნულია “ლეიბორისტული პარტიის” ლიდერის შალვა ნათელაშვილის განცხადებაში.
