ღამის კლუბებში ჩატარებულ სპეცოპერაციებთან დაკავშირებით, პარლამენტში შს მინისტრის დაბარების ოფიციალურ მოთხოვნას „ნაციონალური მოძრაობა“ დღეს ბიუროს სხდომაზე დააყენებს.გიორგი გახარიას პარლამენტში კომიტეტების გაერთიანებულ სხდომაზე მოუსმენენ, თუმცა ზუსტი თარიღი, როდის მივა გახარია საკანონმდებლო ორგანოში ამ ეტაპზე უცნობია.
“გვაქვს სურვილი, რომ მოვისმინოთ შს მინისტრისგან ყველა კითხვაზე დეტალური და ამომწურავი პასუხი. ამის გამო, ჩვენ ჩავატარებთ გაერთიანებულ კომიტეტის სხდომას და ყველა დეპუტატს ექმნება საშუალება დასვას კითხვები და მიიღოს პასუხები ჩატარებულ ღონისძიებაზე“- აცხადებს ფრაქცია “ქართული ოცნების” თავმჯდომარე მამუკა მდინარაძე