ეს იყო თავდასხმა მთელ პროგრესულ კაცობრიობაზე, მთელს თანამედროვე ცივილიზაციაზე, – ლეიბორისტული პარტიის ლიდერი შალვა ნათელაშვილი საფრანგეთის საელჩოსთან იმყოფებოდა და ფრანგ ხალხს მოისამძიმრა.
შალვა ნათელაშვილი დასავლეთ ევროპაში მყოფ ქართველებს მოუწოდებს სიფრთხილისაკენ და მასობრივი თავშეყრის ადგილებისგან თავის არიდებას ურჩევს.
საფრანგეთის საელჩოსთან დღეს თანაგრძნობის გამოსახატავად საქართველოს მოქალაქეები, პოლიტიკური პარტიის წევრები და საზოგადოების ცნობილი სახეები მიდიან.
საქართველოს თანადგომისათვის მადლობა საფრანგეთის ელჩმა საქართველოში რენო სალენსიმ გადაუხადა.
