მთავარმა პროკურატურამ დეკანოზის ადვოკატების მოთხოვნა, გაუთქმელობის პირობის მოხსნასთან დაკავშირებით, არ დააკმაყოფილა. უარის შემდეგ დაცვის მხარე სტარსბურგის სასამართლოში გეგმავს სარჩელის შეტანას, რომელზეც ადვოკატები არასამთავრობო ორგანიზაცია “ადამიანის უფლებათა ცენტრთან” ერთად იმუშავებენ. ცენტრის იურისტები დეკანოზის მონახულებას ციხეში დღეს გეგმავენ.
ადვოკატ გიორგი ფანცულაიას განცხადებით, გავრცელებული ინფორმაცია, თითქოს გიორგი მამალაძეს ღვთისმსახურება შეუჩერეს, სიმართლეს არ შეესაბამება.
