საქართველოს მოქალაქე, პანკისის ხეობის მკვიდრი თარხან ბათირაშვილი ყველაზე “ძვირადღირებული” ტერორისტების სიაში შევიდა. აშშ-ს სახელმწიფო დეპარტამენტი მისი ადგილმდებარეობის შესახებ ინფორმაციის მიწოდებაში 5 მილიონ დოლარს იხდის. თარხან ბარითაშვილი, იგივე უმარ აშ-შიშანი ისლამური სახელმწიფოს ერთ-ერთ ლიდერად ითვლება. სხვადასხვა მონაცემებთ ისლამური სახელმწიფოს მხარეს დაახლოებით საქართველოს 200 მოქალაქე იბრძვის, რომელთა უმეტესობა ეთნიკური ჩეჩენია. უკანასკნელ ხანებში პანკისიდან ახალგაზრდების სირიაში ტერორისტების მხარდასაჭერად გადინება საგრძნობლად შემცირდა – ამის შესახებ ადგილობრივები ამბობენ.
ყოფილი ქართველი ოფიცერი, რუსეთ-საქართველოს 2008 წლის ომის ვეტერანი თარხან ბათირაშვილი აბუ მოჰამედ ალ-ადნანთან ერთად აშშ-ს სახელმწიფო დეპარტამენტის მიერ გამოქვეყნებული ყველაზე “ძვირიანი” ტერორისტების სიის ხუთეულშია – წერს “ეხო კავკაზა”.
უმარ ალ-შიშანში აშშ 5 მილიონ დოლარს იხდის. იგივე თანხაა დაწესებული აბუ მოჰამედ ალ-ადნანის ადგილსამყოფელის შესახებ ინფორმაციაზე, რომელიც ისლამურ სახელმწიფოში ტერორისტული დაჯგუფების პრეს-მდივანია. ორი მილიონით მეტია დაწესებული აბურახმან მუსტაფა ალ-ქადულის შესახებ ინფორმაციაში, რომელიც ისლამური სახელმწიფოს ლიდერის აბუ ბაქარ ალ-ბაღდადის მარჯვენა ხელია. ყველაზე ძვირად შეფასებულია თვითონ აბუ ბაქარ ალ-ბაღდადი – აშშ-ს სახელმწიფო დეპარტამენტმა მასზე 10 მილიონი დოლარი ჯილდო დააწესა.
www. timer.ge