რომის პაპი ფრანცისკი პირველად ეწვია კუბას, სადაც ოთხ დღეს გაატარებს, შემდეგ კი აშშ-ში გაემგზავრება. ჰავანაში გამოსვლისას, მან ბარაკ ობამას და კუბას ლიდერს რაულ კასტროს მოუწოდა ქვეყნებს შორის ურთიერთობის ნორმალიზაციის პროცესი გააგრძელონ.
პაპ ფრანცისკს, რომელიც სამხრეთ ამერიკიდან არის, დიდი წვლილი მიუძღვის კუბასა და აშშ-ს შორის სიტუაციის გაუმჯობესებაში. “აი, უკვე მერამდენე თვეა ჩვენ თვალყურს ვადევნებთ მოვლენებს, რომელიც დიდი ხნის გაუცხოვების შემდეგ ორ ქვეყანას შორის ურთიერთობას აგვარებს” – განაცხადა პაპმა.
“მე მოვუწოდებ პოლიტიკურ ლიდერებს შეუპოვრად იარონ ამ გზაზე და საკუთარი პოტენციალი მაქსიმალურად გამოიყენონ, როგორც მაგალითი მთელი მსოფლიოსთვის” – განაცხადა პანთიფიკმა.
ხუთშბათს ვატიკანმა იმედი გამოთქვა, რომ პაპის ვიზიტი ხელს შეუწყობს ამერიკული ემბარგოს მოხსნას, ასევე, კუნძულზე უფლებების და თავისუფლების ხარისხის ამაღლებას.