საქართველოს ყოფილი პრეზიდენტი მიხეილ სააკაშვილი უკრაინის პრეზიდენტის მრჩევლად დაინიშნა–ინფორმაცია ამის შესახებ პეტრო პოროშენკოს ოფიციალურ ვებ-გვერდზე გამოქვეყნდა.
“ჩვენ დიდხანს ვიფიქრეთ, როგორ უკეთესია, რომ გამოვიყენოთ მიხეილ სააკაშვილის ცოდნა, გამოცდილება და უნიკალური ნოუ-ჰაუ. საქართველოში მან პრაქტიკულად ყველა სფეროს რეფორმირება შეძლო”, – განაცხადა პეტრო პოროშენკომ.
როგორც უკრაინის პრეზიდენტის ვებ-გვერდზე გამოქვეყნებულ ინფორმაციაშია ნათქვამი, ახალ თანამდებობაზე მუშაობისთვის მიხეილ სააკაშვილს არ სჭირდება უკრაინის მოქალაქეობა და ის საქართველოს მოქალაქედ რჩება.
